Njingkrung

Esuk iki srengenge isih umpetan ing mburi lawang

Ora gelem njedhul raketang wis padha diceluk

Isih wae ra gelem metu mbok wis akeh kang nesu

Uga isih wae njingkrung ra obah mbok wis ana sing nyeret

Ora gelem tangi, ora gelem melek

Srengenge iki isih wae ra gelem nyawang liya

Mantep ora obah ketimbang kesampar

Mantep meneng ketimbang dirajang

Isih ra gelem mara sanajan diceluk dening wong gumedhe

 Srengenge iki kakean mikir ra tumandang

Tumandang wae kudu dikomandho

Ah, wis kesel anggone melingke

Sing diwelingke ora gage rekat, dirungu wae paling ora

Srengengene mung meneng wae kaya watu

Watu wae isih isa pecah nalika di thuthuk

Nanging, srengenge iki netep atose

September 2013