raga

ragaku ana ing kene

dene pikirku isih mrana-mrene

pengene ndang tak rampungke

nanging ora gage-gage

rasane raga iku ora kuwat maneh

pengen cepet-cupet bisa mulih

menehi kabar sing bisa gawe bungah

banjur sing krungu bisa sumringah

raga iki kaya durung migunani

seprene durung bisa ngabekti

marang wong-wong sing tak tresnani

gaweyane mung bisa ngrepoti

nganti kapan kaya mangkene?

raga iki urip nanging ra ana gunane

raga iki mlaku nanging kaya mati

apa bakal terus ngene iki?

nganti dipethuk dewa pati

kudune ora mung kaya mayit mlaku

mung medeni wong sing ketemu

mung gawe risi sing weruh

ora bisa mbiyantu sing butuh

mung ngambon-amboni sacerake

ora menehi manfangat kanggo liyane

muga cepet kapungkasan

aja kesuwen dipikir nanging ndang tumandang

dene Gusti menehi gampang

supaya raga iki bisa nggayuh kamenangan

Desember 2013