sing abang uga dudu getih
sing nguwasani mung sing sugih
sing ra nduwe mung bisa mulih
sing abang bakale abang terus
dene sing putih kaya ora k’urus
abang-putih kaya-kaya putus
abang-putih sansaya ra bisa nyawiji
siji lan liyane padha nggrundhel ing ati
sing dirasa mung penak’e dhewe, nggugu karepe dhewe
ora mlirik uga ora predhuli liyane
getih sing abang, sansaya kenthel sansaya mbranang
sing dipikir mung piye carane menang
embuh piye carane nggayuh kamenangan
sing penting bisa oleh jagongan
kabeh cara dianggep bener
kaya-kaya ora ana sing mlingker
pikire pancen awake pinter
jebul-jebul wis keblinger
Desember 2013
Tidak ada komentar:
Posting Komentar