wancine

wis wayahe leren kanggo turu

aku ngerti pancen wis sayah awakmu

aja kok peksa, mendhing dinggo ngaso ndhisik

ketok awakmu wis kesel

ra bisa ditutupi yen atimu mangkel

wis ta! aja maneh mbandel

saiki dadi wancimu kanggo kendel

merema alon-alon, aja maneh ngrasa abot

tinggalana pakaryanmu, wis ra sah dipikir

wis ana anak putu sing bakale nyekel

dadi anak putu isih bisa ngundhuh

percayaa!

anak putumu ora bakal nyia-nyia apa sing wis kok tandur

bakale dijaga kanthi jiwa raga

kanthi mengkono, awakmu bisa ngaso kanthi tentrem

kanthi mengkono uga atimu bisa ayem

wancine merem, nglerenake jiwa ragamu

anak putu wis padha ikhlas

ra usah kuwatir, sangumu wis kadhung akeh

mung karik dedongan saka anak putu

saengga ngasomu dadi kepenak

muga ing panggonmu ngaso saiki

awakmu oleh panggon sing jembar uga padhang

Desember 2013