Jarene

Bungahe manah ingsun

Apa kang takpangan

Uga bisa dipangan dening Landa

Apa kang taksandhang

Bisa disandhang dening Landa uga

Rasane ati iki, ora bisa takgambarake

Mung bisa kasimpen ing jero ati

Ananging,

Isine ati iki yen takrasa

Jalaran ingsun ora bisa tangi

Ora bisa melek, ora bisa weruh

Kang ana ing lemahku iki

Ora tenanan takrumati

Wit kang wis katon lemu

Ora takrumat malah takkethok

Kudune ingsun bisa nandur budaya maneh

Kang bisa diundhuh dening putra wayah sesuk

Sajake ati iki iya samar

Nanging…

Bejane mung aku wae sing wis mati atine

Ing jaba kana

Isih akeh kang jarene nguri-uri budaya

Ati iki kudune ayem yen wis akeh kang melek budaya

Nyatane wis akeh kang nandur budaya iki ing lemah liya

Nyatane budaya mau bisa diundhuh dening kulit kang beda

Nyatane budaya mau bisa dirasa dening ilat liya

Bocah ngendi kang ora bungah

Yen budayane dhewe bisa urip ing Negara liya

Desember 2013