putih

sing putih dudu kulite

sing resik dudu klambine

sing kamaksud dudu ragane

nanging kang apik isi atine

rupa bandha ora bakal ditakokake

sing ayu lan bagus ora dadi nomer siji

emas sak gunung ora dibutuhake

ora bakal dijaluk nalika ketemu Gusti

mung siji sing bakal dijaluk, yaiku ngamal ibadah

kabeh kabagusan sing wis kalaksanan

uga tumindak ala sing ora mung sejinah

bakal dijaluki pertanggungjawaban

dudu mung panganngo sing kudu resik nalika ngadhep

tabungan amal soleh uga kudu mantep

mula siyapke saka saiki

ngubur sing ala kanthi primpen

nandur kabecikan saya akeh

kanthi mangkono, ora mung putih gombal sing kanggo mbuntel

ora mung resik pasuryan nalika yuswane wis cuthel

nanging uga putih resik ati kang digawa

nalika ngadhep kang Maha Kawasa

Desember 2013