Sak Jangkahan

Rasane sikil iki wis ora bisa njangkah

Mripat iki uga ora bisa melek meneh

Awak ku remuk ngliwati dalan kang wis taklakoni

Kanggo mlaku sak jangkahan wae aku ora bisa

Apa aku kudu mandheg ing tengah dalan iki?

Apa aku kudu ambruk ing kene

Banjur disampar wong-wong kang bakale liwat

Wong-wong kang durung duwe rasa kesel

Wong-wong kang isih lumaku tanpa mlengo mburi

Wong-wong kang isih kepengen methuk kasuksesane

Sikil iki pancen wis kesel anggone mlangkah

Nanging ati iki isih duwe semangat kanggo nggayuh apa kang dakimpekake

Ati iki isih kepengen nemokake impen-impen kang durung ketemu

Aku ora bakal cukup mung tekan kene

Aku bakal terus mlangkah sanajan sikil iki wis ora bisa njangkah

Aku bakal terus maju ora meneh delok buri

Tujuwanku mung siji yaiku nggayuh impenanku

September 2013